Vinnustofur og hvataferðir
Aðstaða fyrir vinnustofur, fundi og hvataferðir
Hvammsvík er aðeins 45 mínútur frá Reykjavik og er fullkominn áfangastaður fyrir teymi sem vilja komast úr hversdagsleikanum í náttúrulegt umhverfi. Hvammsvík hentar vel til að styrkja samstarf, tendra sköpunarneistann og fagna sameiginlegum árangri.
Aðstaðan okkar í hlöðunni hentar best fyrir allt að 40 manns, en hægt er að taka á móti stærri hópum.
Einnig er pláss fyrir allt að 154 gesti í sjóböðunum.
Hlaðan
Hlaðan býður upp á aðstöðu í hæsta gæðaflokki. Hún hentar vel fyrir fundi, vinnustofur, til að fagna áföngum og gleðjast saman. Hlaðan er fullkomin fyrir hópa allt að 40 manns.
Dagsverð á Hlöðunni er 150.000 krónur og innifalið í því er kaffi, te og vatn. Hlaðan er til leigu frá kl. 8–22. Fyrir stærri hópa og viðburði, endilega hafið samband hér að neðan.
Í Hlöðunni má einnig finna afþreyingarrými þar sem hægt er að finna poolborð, borðtennis, píluspjald, og fótboltaspil. Hópurinn getur einnig notið útivistar á Hvammsvíkurlandinu eða í Hvalfirðinum. Eftir árstíðum og veðri eru einnig möguleikar á standbrettum, sjósundstímum, Wim-Hof námskeiði og annarri afþreyingu.
Matur og Drykkur
Hlaðan breytist auðveldlega í hlýlegt og notalegt rými fyrir einkahádegis- og kvöldverði.
Við bjóðum upp á mat og drykki af matseðli okkar á Storm Bistro. Einnig er hægt að fá einkakokk til að útbúa sérsniðna máltíð. Sé þess óskað getum við mælt með traustum samstarfsaðilum til að skapa sérsniðna matseðla fyrir hópinn. Gestir geta einnig valið vín af vínseðli okkar eða komið með eigið vín gegn tappagjaldi.
Fyrir aðrar matarupplifanir eða sérstakar óskir er hægt að hafa samband hér að neðan.
Sjóböðin
Eftir viðburðaríkan dag er fátt betra fyrir hópinn en að slaka á í Sjóböðunum í Hvammsvík. Böðin rúma allt að 154 gesti og henta því jafnt litlum sem stórum hópum. Við krefjumst þess að allir hópar sem leigja Hlöðuna fari í sjóböðin.
Fyrir hópa sem eru stærri en 40 gestir er krafist fullrar útleigu á annaðhvort gistingu okkar eða sjóböðunum. Hægt er að senda inn fyrirspurn með því að fylla út formið hér að neðan.
Gisting
Hvammsvík býður upp á 12 hús i í einstöku umhverfi fyrir starfsmannahópinn.
Í boði eru fjögur nýuppgerð hús sem henta fullkomlega fyrir hópa sem vilja dvelja saman undir einu þaki og eru tilvalin til að efla tengsl og samvinnu. Listamannaskálarnir átta eru notaleg og stílhrein minni hús, sem geta hýst 1–2 gesti.
Undir Hlöðunni má svo finna nýlega líkamsræktaraðstöðu og þykir Hvammsvíkurjörðin henta einstaklega vel til náttúruhlaupa.
Fyrir hópa sem eru stærri en 40 gestir er krafist fullrar útleigu á annaðhvort gistingu okkar eða heitu pottunum. Þá hefur hópurinn Hvammsvík út af fyrir sig, með einkaaðgangi að Hlöðunni og Hofinu fyrir fundi, kvöldverði eða veislur.
Afþreying í og við Hvammsvík
Gönguleiðir
Fjöldi gönguleiða er í boði, bæði á landareign Hvammsvíkur og í Hvalfirðinum.
Strandbretti
Á sumrin geta gestir í Sjóböðunum fengið lánuð strandbretti, þegar veður leyfir. Starfsfólkið í móttökunni veita frekari upplýsingar.
Wim Hof–öndun
Reglulega er býðst gestum í Sjóböðunum að taka þátt í byrjendatímum í Wim Hof-öndunartækninni. Lærðu meira um Wim Hof-tímana og tímasetningar þeirra hér fyrir neðan.
Sjósund
Viltu prófa að synda í sjónum? Vertu með í byrjendatíma í sjósundi undir leiðsögn reynds sjósundsfólks.
Atlasaráskorunin
Prófaðu hina fornu aflraun þar sem markmiðið er að lyfta þremur steinum upp fyrir öxl. Lærðu meira um þolraunina og verðlaunin sem eru í boði fyrir sigurvegara!
Stormur Bistro
Eftir frískandi ferð í sjóböðin mælum við með því að smakka ljúffenga rétti sem eru innblásnir af nærumhverfi Hvammsvíkur.
Veiði
Veiði í vatninu okkar stendur næturgestum til boða. Veiðistangir eru í boði í húsunum. Vinsamlegast sendið okkur línu á info@hvammsvik.com ef þið hafið spurningar.
Steðji
Steðji eða Staupasteinn er á Hvammsvíkurjörðinni, í aðeins 5 mínútna akstursfjarlægð frá Hvammsvík.
Berjamór
Við mælum með að fara í góðan göngutúr um svæðið og tína ber síðsumars og á haustin.
Kajakferðir
Hægt er að skella sér á kajak þegar þar til lgerðar ferðir eru í boði. Þessir viðburðir verða auglýstir á samfélagsmiðlum okkar og póstlistanum.