Svona bókar þú með gjafabréfi í Hvammsvík

Ýttu hér fyrir alengustu spurningar um innlausn gjafabréfa.

1. Finndu númer gjafabréfs
Númerið er að finna á gjafabréfinu sem þú fékkst. Rafræn gjafabréf eru send sem pdf viðhengi í tölvupósti.
2. Farðu á bókunarsíðuna
Smelltu á bókunarhnappinn á heimasíðunni okkar. Það færir þig inn á bókunarsíðuna okkar og þú getur hafist handa við bókunina.
3. Bókaðu heimsókn
Í næstu skrefum velur þú hvaða tegund af aðgangi þú vilt, dagsetningu og þá tímasetningu innan dags sem þú vilt heimsækja okkur. Athugaðu að sum gjafabréf eru upp á ákveðna tegund af aðgangi.
4. Virkja gjafabréf
Þegar þú hefur sett inn upplýsingar um greiðanda, þá slærðu inn númerið á gjafabréfinu og ýtir á Nota. Þá er andvirði gjafabréfsins dregið frá heildarupphæð og þú getur ýtt á Greiða.

Algengar spurningar um gjafabréfin okkar

Ertu með spurningar um gjafabréf sem þú átt eða áttu í vandræðum með að bóka með gjafabréfi? Hér fyrir neðan finnur þú algengustu spurningar varðandi gjafabréfin.

Hvernig á að bóka með gjafabréfi?

Til að bóka með gjafabréfi ferðu inn á bókunarvélina okkar og velur hvernig klefa og fjölda gesta. Síðan velurðu dagsetningu og tíma bókunar. Í greiðsluferlinu er greitt með gjafabréfinu með því að setja inn kóðann á gjafabréfinu inn í reit merktan "gjafakort".
Þarf að bóka fyrir fram með gjafabréfi?

Við mælum ávallt með því að bóka tíma fyrirfram á www.hvammsvik.is til að tryggja aðgang þar sem við takmörkum fjölda gesta á staðnum hverju sinni.
Ef mætt er á staðinn án bókunar er mögulegt að ekki sé hægt að verða við aðgangi á viðkomandi tíma.
Er hægt að bóka með mörgum gjafabréfum?

Aðeins er hægt að greiða bókun með einu gjafabréfi í einu, ef þú ert með mörg gjafabréf þá þarf að gera bókun fyrir hvert og eitt gjafabréf.
Ef þú lendir í vandræðum með að bóka eða þarf aðstoð, vinsamlegast sendu tölvupóst á sala@hvammsvik.is og við aðstoðum eins fljót og auðið er.
Hvað á ég að gera ef kóðinn á gjafabréfinu mínu virkar ekki?

Athugaðu að prófa hvort þú hafir slegið eitthvað vitlaust inn, til dæmis tölustafinn núll í stað bókstafsins O.
Einnig getur verið gott að hafa samband við þann sem keypti gjafabréfið upphaflega og athuga hvort viðkomandi hafi sent vitlaust gjafabréf eða kóða.
Þér er velkomið að senda okkur tölvupóst á sala@hvammsvik.is og við gerum okkar besta í að leysa málið.
Ég er með upphæðar gjafabréf, hvernig virkar það?

Inneignina er hægt að nota í allar vöruúttektir í sjóböðunum s.s. bókanir í sjóböðin, mat og/eða drykki á veitingastaðnum Stormi eða snyrtivörur sem seldar eru á staðnum. Við mælum ávallt með að heimsókn í sjóböðin sé bókuð fyrirfram á www.hvammsvik.is svo gestir verði ekki fyrir vonbrigðum við komu sé fullbókað á viðkomandi tíma. Athugið að ekki er tekið við bókunum á veitingastaðinn.
Ég er með gjafabréf sem veitir aðgang að sjóböðunum, hvernig virkar það?

Gjafabréf sem veita aðgang í sjóböðin er hægt að nýta til að bóka aðgangsmiða í sjóböðin á heimasíðunni okkar www.hvammsvik.is. Gjafabréfin er ekki hægt að nýta til að greiða fyrir mat og/eða drykki á veitingastaðnum Stormi eða snyrtivörur sem seldar eru á staðnum.
Ég er með Premium gjafabréf - Hvað á ég að bóka?

Ef þú ert með Premium gjafabréf þá er bókaður Þægindapakkinn (Comfort) aðgangur í sjóböðin og er innifalið vaðskór, handklæði og vaðskór ásamt aðgangi í sjóböðin.
Ég er með gjafabréf sem veitir aðgang fyrir einn eða tvo - Hvað á ég að bóka?

Ef þú ert með gjafabréf fyrir einn eða tvo gesti þá er bókaður Klassískur (Classic) aðgangur í sjóböðin og veitir aðgang í sjóböðin í Hvammsvík. Gjafabréfið er einnig hægt að nota til að bóka Náttúrulegan (Natural) aðgang ef ekki er laust í Klassíska (Classic) klefann á þeim tíma sem þú vilt bóka.
Hver er gildistími gjafabréfa?

Gjafabréf gilda í tvö ár frá útgáfudegi og er gildistíminn sjáanlegur á gjafabréfinu. Ef þú telur þig ekki geta notað gjafabréfið innan þess tíma endilega sendu okkur póst á sala@hvammsvik.is og við leysum málið með þér.
Ég er með gjafabréf frá ykkur, get ég skilað því gegn endurgreiðslu?

Nei, því miður er ekki hægt að skila gjafabréfum gegn endurgreiðslu.
Ég er með gjafabréf fyrir Klassískan eða Þæginda-aðgang en það er ekki laust á þeim tíma sem ég bóka. Ef ég bóka ódýrari aðgang, fæ ég mismuninn endurgreiddan eða get ég notað hann í vöruúttektir?

Nei, því miður er ekki hægt að fá mismuninn endurgreiddan eða sem inneign í úttektir.
Við mælum ávallt með að bóka tímalega til að tryggja aðgengi að þeirri þjónustu sem inneign er fyrir.
Ég er með gjafabréf frá YAY en kóðinn virkar ekki

Því miður er ekki hægt að greiða með YAY gjafabréfi á heimasíðunni okkar. Sendu okkur endilega póst á sala@hvammsvik.is með nafni, fjölda gesta og hvaða upplifun þú vilt bóka ásamt dagsetningu og tíma bókunar og við bókum það. Þú verður svo að mæta með gjafabréfið við komu og afhenda starfsmanni í afgreiðslu tímakóðann frá YAY við mætingu.